संदीप सिंह मंत्री नै अपमानित करी महिला खिलाड़ी।।*

 *संदीप सिंह मंत्री नै अपमानित करी महिला खिलाड़ी।।*

*महिला नै दुखी होकै थारी सारी काली करतूत उघाड़ी।।*

1

चंडीगढ़ पुलिस नै मुश्किल तैं एफआईआर दर्ज करया

छेड़छाड़ के आरोपों बीच मंत्री साहब तू पाया घिरया

*पूरे हरियाणा के म्हं महिला संगठनों नै रोष मार्च लिकाड़ी।।*

2

कहती महिला खिलाड़ी मेरे को मंत्री नै अपने घर बुलाया

आफिस की बजाय उसनै न्यारे कमरे मैं लेजा कै बिठाया

*कैह खुश रैह खुश राख़ चाही चाही यौन शोषण की जुगाड़ी।।*

3

महिला नै पुरजोर विरोध करया तो जबरदस्ती करनी चाही 

धक्का मार कै मंत्री के वा अपना पिंड छुटा कै घर नै आयी

*इसे करकै मंत्री नै कई तरियां चाही उंकि हालत बिगाड़ी।।*

4

नौकरी मिली फेर बी दुखी राखी तो प्रशासन को बताया

फेर प्रशासन भी नहीं उसकी मदद करण खातर आया

*पुलिस मैं दरखास्त दी रणबीर करी जनता नै करड़ी जाड़ी।।*

5

न्याय मिलना चाहिए खिलाड़ी नै जन संगठन आगै आये 

सरकार पै दबाव नै मंत्री के पुतले दहन करकै विरोध जताये

*रणबीर भी मदद मैं कलम ठाई मंत्री की सरकार भी लताड़ी।।*