नूंह मैं जाकै देखो किसनै जनता कै नूंह था चुभाया।।
वीडियो वायरल कर माहौल यो घणा खराब कराया।
1
किसनै मंदिर मैं तैं गोली लोगां ऊपर चलाई देखो
इसके टेम की हमनै चाहिए या खोज कराई देखो
तलवार लठ और हथियार माहौल घणा था गरमाया।
2
धर्मांधता आले मुस्लिम युवा फेर अपनी पै आगे
वे भी यात्रियों के ऊपर उड़ै पत्थर फैंकण लागे
पुलिस खड़ी रही देखती कोहराम भीड़ नै मचाया।।
3
छह लोग मारे गए ना तोड़ फोड़ का औड़ रहया
साधारण मेवाती जनता का जाता कोन्या कहया
गुरुग्राम और आस पास इसनै अपना असर दिखाया।।
4
सहज सहज हरियाणे कै असल बात समझ मैं आई
सांप्रदायिकता ना फैलाण देवां सांझी समझ
बनाई
रणबीर समझो सच्चाई नै मेवात क्यों गया जलवाया।।
