कुदरती खेती और सेहत

कुदरती खेती और सेहत का सीधा रिश्ता बताया रै ॥
हरित क्रांति तै पैदावार बढी बीमारी को भी बढ़ाया रै ॥
हाँगा लाकै करी रै खेती अन्न मैं आत्मनिर्भर बनाया
धणी किसान फायदा ठागे गरीब  तो खड़या लखाया
दो किल्ले आला लुटग्या कुछ किसानां कै चांदना छाया
गेहूँ की पैदावार मैं हमनै पूरे देश मैं नाम कमाया
नफे नै शहर मैं बनाई कोठी मोल्लू खड्या लखाया रै ॥
कुदरती खेती ------------------------------------------॥
हरित क्रांति नै या पैदावार  किसानां की खूबै बढ़ाई
पर धरती पोल्ली करी  फर्टी लिटी पढ़न बिठाई
कितै तै चौआ बधग्या कितै पाणी नै जमा तली दिखाई
कीट नाशक खूब छिड़के होया पानी प्रदूषित भाई
कीटनाशक घुल्या पाणी खाने मैं घणा कहर ढाया रै ॥
कुदरती खेती ------------------------------------------॥
सरकारी अस्पतालां मैं भीड़ बीमारां की बढ़ती जावै
प्राइवेटों कै भीड़ कसूती जनता घणी लुटती जावै
रोक थाम का जिकरा कोण्या इलाज म्हारी घटती जावै
हैल्थ  क्षेत्र पर खर्च सरकारी  दिन ब  दिन कटती जावै
कुदरती खेती करां जै चाहते बीमारी को भगाया  रै ॥
कुदरती खेती ------------------------------------------॥
कई बीमारी के  कीट नाशक ये कारण आज बताये
आज खाज बीमारी बढ़गी डाक्टरों नै बी हाथ ठाये
कैंसर बढ़गे पंजाब मैं  हरयाणा मैं भी बढ़े दिखाये
पेट बीमारी  मैं भी कई कीट नाशक बन बैरी आये
रणबीर बरोने आले नै  सोच कै नै छन्द बनाया रै ॥
कुदरती खेती ------------------------------------------॥


रोहतक   वासियों से अपील 
अलग अलग संगठनों  के साथियों से  बातचीत के बाद यह तय  किया गया है कि ज्ञान  विज्ञानं आंदोलन , सप्तरंग , हरयाणा इन्साफ सोसाइटी ,  संगठनों के साथी , नागरिक मंच के साथी तथा दुसरे सभी सगंठनों के साथी व रोहतक के गण मान्य नागरिकों से अपील है की आसन गॉवों की लड़कियों के साथ हुई छेड़ छाड़ और मार पिटाई के मामले में आगे की कार्यवाही पर चर्चा करके एक्शन लेने के लिए कल 1 दिसम्बर को  सुबह 10 बजे सभी साथी मानसरोवर पार्क में पहुंचने का कष्ट करें ताकि बहादुर लड़कियों को होंसला मिल सके और पूरा न्याय दिलवा सकें । 
रणबीर सिंह दहिया 
हरयाणा ज्ञान विज्ञानं समिति