धौला गाम सोहने का स्मार्ट गाम बनावैंगे देखो।।
मीडिया मैं करा प्रचार वाह वाही पावैंगे देखो।।
1
पांच गाम छांटे कहते इननै स्मार्ट बनावैंगे रै
बाकी साढे़ सात हजार बाट मैं जीवन बितावैंगे रै
पांच का भी ना बेरा कितने स्मार्ट हो ज्यावैंगे देखो।।
2
दिल्ली मैं राष्ट्रपति नै उद्घाटन का बटन दबाया
गाम आल्यां नै बजा ताली उनका सम्मान जताया
दुनिया मैं खबर गई गाम नै चांद पै पहुँचावैंगे देखो।।
3
स्मार्ट सिटी स्मार्ट गाम बुलेटिन का नारा देखो
काला धन बैंक खात्यां मैं पंद्रा लाख आरया देखो
साथ सबका विकास सबका ये शगूफे सुनावैंगे देखो।।
4
गरीब की पढ़ाई सेहत सब पढ़न बिठाई भाई
अंबानी धोरै पहोंचा दी टैक्स लगा म्हारी कमाई भाई
सबक पांच नै ये पिचानवै जरूर
सिखावैंगे देखो।।
