दारू पी कै
दारू पीकै पड्या रहवै साईं कुनबे का ताने ख्याल नहीं
कामचोरी और सीना जोरी टोकै किसे की मजाल नहीं
ताश खेलन तै फुर्सत ना साँझ नै दारू चाहिए सै
खाली बैठ्या खाट तोडै चुगली जी भर कै खाईये सै
बुरी नजर लाखईये सै भुन्ड़े मजाकां की टाल नहीं ||
झूठी गवाही दिया वै सै एक पव्वा साँझ नै पयादें
घनी करैं तो हलवा बना कै दो तीन बर ताने खवादें
पंग्या मैं तनै फंसवादें घर की कोए सम्भाल नहीं ||
जेब मैं कट्टा और मारुती धोले लत्ते पहर लिए
कब्जे कर लिए दो चार ढा कईयां पर कहर दिए
दिलां मैं घोल जहर दिए तेरे तैं बड्डा दलाल नहीं ||
चमचागिरी कर नेता की कै दिन काम चलै तेरा
इब्बी बखत सै लेले संभाला तनै देख दिल जले मेरा
क्यों कार्य दीवे तले अँधेरा रणबीर का सवाल yahi ||
