चारों तरफ तैं मैं घेरया , सांस मुश्किल तैं लेरया
कति निचोड़ कै गेरया , राम क्यूँ आंधा होग्या ॥
भावां पर निगाह टिकी , बधावन की आस किमै
बेरा ना कितना बढ़ेँगे , आवैगी मनै सांस किमै
दीखै फंदा यो फांसी का , बखत नहीं सै हांसी का
दौरा पड़ै सै खांसी का , राम क्यूँ आंधा होग्या॥
पूरा हांगा ला हमनै दिन रात खेत क्यार कमाया रै
मंडी मैं जइब लागी बोली बहोत घणा घबराया रै
ना मेरी समझ मैं आया , नहीं किसे नै समझाया
पग पग पै धोखा खाया , राम क्यूँ आंधा होग्या॥
धरती बैंक आल्यां कै लाल श्याही मैं चढ़गी लोगो
बीस लाख मैं एक किल्ला कुड़की कीमत बढ़गी लोगो
बीस लाख मैं के करूंगा , किस डगर पै पैर धरूंगा
दो चार सल्ल मैं डूब मरूंगा , राम क्यूँ आंधा होग्या॥
मेरे बरगे भाई सल्फास की गोली खा खा मरते देखो
जी मेरा बी करता खाल्यूं , आज गधे खेती चरते देखो
नहीं देखूं मैं कुआँ झेरा ,यो रणबीर सिंह साथी मेरा
सघर्ष चलवांगे चौफेरा , राम क्यूँ आंधा होग्या॥
कति निचोड़ कै गेरया , राम क्यूँ आंधा होग्या ॥
भावां पर निगाह टिकी , बधावन की आस किमै
बेरा ना कितना बढ़ेँगे , आवैगी मनै सांस किमै
दीखै फंदा यो फांसी का , बखत नहीं सै हांसी का
दौरा पड़ै सै खांसी का , राम क्यूँ आंधा होग्या॥
पूरा हांगा ला हमनै दिन रात खेत क्यार कमाया रै
मंडी मैं जइब लागी बोली बहोत घणा घबराया रै
ना मेरी समझ मैं आया , नहीं किसे नै समझाया
पग पग पै धोखा खाया , राम क्यूँ आंधा होग्या॥
धरती बैंक आल्यां कै लाल श्याही मैं चढ़गी लोगो
बीस लाख मैं एक किल्ला कुड़की कीमत बढ़गी लोगो
बीस लाख मैं के करूंगा , किस डगर पै पैर धरूंगा
दो चार सल्ल मैं डूब मरूंगा , राम क्यूँ आंधा होग्या॥
मेरे बरगे भाई सल्फास की गोली खा खा मरते देखो
जी मेरा बी करता खाल्यूं , आज गधे खेती चरते देखो
नहीं देखूं मैं कुआँ झेरा ,यो रणबीर सिंह साथी मेरा
सघर्ष चलवांगे चौफेरा , राम क्यूँ आंधा होग्या॥
