गरीबां की मर आगी मोदी थारे राज मैं।।
1रैहवण नै मकान कड़ै खावण नै नाज नहीं
पीवण नै पाणी कड़ै बीमारां नै इलाज नहीं
या महंगाई जमा खागी मोदी थारे राज मैं।।
2
कपास पीटी धान पीट दिया गिहूँ की बारी सै
जहर की गोली खा खा मरगे हुई घणी लाचारी सै
किसान की धरती जागी मोदी थारे राज मैं।।
3
बदेशी कम्पनी कब्जा करगी ये सारे हिंदुस्तान मैं
लाल कालीन बिछाये थामनै क्यों इनकी श्यान मैं
इतनी घणी क्यों भागी मोदी थारे राज मैं।।
4
महिला और दलित पै अत्याचार बढ़े आंख थारी मींचगी
मुसलमानों ईसाइयों पै नफरत की लाइन क्यों खींचगी
रणबीर की छंद छागी मोदी थारे राज मैं।।
No comments:
Post a Comment