रोहतक शहर

 रोहतक शहर का इतिहास बहुत घना पुराना बताया।।

ठारा सौ चौबीस में अंग्रेजों ने हेडक्वार्टर था बनाया।।
1
ठारा सौ सड़सठ के मैं वाल्ड सिटी की आकार बताई
म्युनिसिपेलिटी रोहतक शहर की इस साल मैं बनाई
ग्यारा गेट थे रोहतक के दिल्ली गेट मेन गेट चमकाया।।
2
दो हिस्से थे रोहतक के एक नै रोहतक प्रॉपर कहते थे
दूसरा हिस्सा बाबरा का था घणे लोग उसमैं रहते थे
पन्दरा हजार सात सौ जनसंख्या का अंदाज लगाया ।।
3
आठ हजार हिंदू बताते सात हजार मुस्लिम रहया करते
पांच सौ जैन भाई बासठ सिख दुख सुख सहया करते  
बीस तीस ईसाई का भी हिस्सा रोहटक मैं जताया।।
4
उन बख्तों मैं रोहतक दो ढाल की पगड़ी
बनावै था
प्लेन अर कशीदाकारी पगड़ी दूर-दूर जाण्या जावै था
सहज सहज आगै बढ़ग्या रणबीर नै कलम चलाया।।