असली नकली बणा दिए नकली असली बणे बैठे
हिंदुस्तान नै तोड़ण खातर,हर डाल उल्लू तणे बैठे
1
कोये तो चमकते बालां की आज बात करता घूमै देखो
कोये पहर चमकता लिबास जित चाहवै झूमै देखो
जातयाँ कै ऊपर बिन बात क्यों कई आपस मैं ठणे बैठे।
2
कोहराम धर्म पै दुनिया मैं कट्टरवादियों नै मचाया
मंदिर मस्जिद के झगड़ों में बस्तियों को गया जलाया
इंसानी बस्तियां उजाड़ दी ठेकेदार धर्मों के चुनें बैठे।
3
खालिस्तान की बात कितै कितै हिन्दू राष्ट्र की चर्चा रै
मारकाट मचा राखी देखो करैं जारी फरमान का पर्चा रै
पूरी दुनियां बारे ना सोचें दोष एकदूजे के गिनें बैठे ।
4
मुनाफे के तरीकों पै चर्चा पूरी दुनिया मैं करते रै
निजीकरण उदारीकरण का पाणी सारे देश भरते रै
गरीबों के हक़ सारे कै रणबीर अमीर छिणें बैठे।
No comments:
Post a Comment