दशहरा 2016
अच्छाई की जीत बुराई पै दशहरा जावै सै मनाया।।रावण हराया रामजी नै यो ज्यां जावै आज जलाया।।
1
या तो राम रावण की सै कदे महाकथा लिखी बताई
तुलसीदास नै एक लिखी दूजी बाल्मीकि जी नै बनाई
बात एक जिसी उनमैं कुछ फर्क बी उनमैं सै पाया।1।
2
आज के राम रावण पर हम विचार नहीं करते
म्हारी कमाई लूटकै कौन आज के रावण घर भरते
अडानी अम्बानी जुड़वां रावण पूरा देश लूटकै खाया।2।
3
इनतै बड्डा आज का रावण यो अमेरिका बताऊँ मैं
पूरी दुनिया डरा राखी इसकी फ़ौज जुल्मी दिखाऊँ मैं
झूठे इल्जाम लगा कै नै करकै हमला इराक खिंडाया।3।
4
आज के रावण कैसे जलावां इसपै बैठ विचार करांगे
राम रावण मैं फर्क का पूरा यो खाका ईब तैयार करांगे
कहै रणबीर बरोने आला यो छंद तोड़ का बनाया
No comments:
Post a Comment