म्हारे देश कै बट्टा लाया प्यारे मोदी नै।।
काले धन उपर बहकाया प्यारे मोदी नै।।1
बाड़ खेत नै खागी नल दमयंती सुनते रहे
नींद आई रूखाले नै पापी जाल बुनते रहे
नफरत का माहौल बनाया प्यारे मोदी नै।।
काले धन उपर बहकाया प्यारे मोदी नै।।
2
बिना दवाई और पढ़ाई म्हारे बालक रूलगे रै
सचाई की हुई पिटाई झूठ के फाटक खुलगे रै
धर्मान्धता का जहर फैलाया प्यारे मोदी नै।।
काले धन उपर बहकाया प्यारे मोदी नै।।
3
नैतिकता पै प्रहार करैं बन नैतिकता के रखवाले
नँगे पन का प्रचार करैं बन नैतिकता के रखवाले
लूट खसोट का बाजार बढ़ाया प्यारे मोदी नै।।
काले धन उपर बहकाया प्यारे मोदी नै।।
4
पाखंड का लेकै सहारा भारत की जनता लड़वाई
गऊ माता का ले बहाना या नफरत बहोत फैलाई
कुलदीप घणा कहर यो ढाया प्यारे मोदी नै।।
काले धन उपर बहकाया प्यारे मोदी नै।।
No comments:
Post a Comment