लखीमपुर खीरी

 किसान भाईयो सुनियो

लखीमपुर खेरी मैं लगाया यो तीन दिन का डेरा ।।
किसान भाइयो रूकियो ना एक दिन होवै सबेरा ।।
1
लखीमपुर खेरी मैं कहर ढाया उनके जुलमां का औड़ ना
कमेरयो करियो एकता इसका और बताया सै तौड़ ना
बिना एकता जी काढ़ै म्हारा पूंजीपति लुटेरा।।
किसान भाइयो रूकियो ना एक दिन होवै सबेरा ।।
2
लखीमपुर आज किसानों नै यो मिनी पंजाब बनाया रै
दस महीने पाछै हटकै उड़ै मोर्चा फेर गया जमाया रै
अजय मिश्रा टेनी के खिलाफ धरने पै बैठया कमेरा।।
किसान भाइयो रूकियो ना एक दिन होवै सबेरा ।।
3
पंजाब यूपी हरियाणा के किसान मोर्चे पै आये बताये रै
राजस्थान के किसान भी पहोंचे संघर्ष के नारे लाये रै
आशीष मिश्रा कै दिया चाहया किसानों नै हटकै घेरा।।
किसान भाइयो रूकियो ना एक दिन होवै सबेरा ।।
4
दिखावे दिखावे करे सैं मांग पूरी करी  कोण्या देखो
कसर ना वायदा खिलाफी मैं या झूठ कही कोण्या देखो
रणबीर पिस्ता जावै सै रोजाना देश मैं कमेरा।।
किसान भाईयो रूकियो ना एक दिन होवै सबेरा ।।