कामरेड पृथ्वी ---250 ---

 कामरेड पृथ्वी सिंह कहा करते

फिजा अपने हक मैं करने नै हमनै कट्ठे होणा होगा रै।।
अपने भाईचारे के दम पै नफरत का जहर धोणा होगा रै।।
1
हमनै कट्ठे होकै जिब चाहया बहुत कुछ बदल दिया
तख्त बदले बड़े बड़यां के एकता नै काम गजब किया
ताज बदले हमनै कइयां के हटकै संघर्ष झोणा होगा रै।।
2
रजवाड़े बदले राजपाट बदले औरां खातिर काम करे
अपनी खातर कुछ ना करया जीत ऊपर उनके नाम धरे
अपनी लड़ाई जीतण नै बीज सोच समझ बोणा होगा रै।।
3
पृथवी सिंह गोरखपुरिया नै छात्रों को संघर्ष राह
दिखाई
कुरुक्षेत्र यूनिवर्सिटी मैं जोर लगा कै उनकी मांग उठाई
सबको शिक्षा काम सबको अनपढ़ ना ढोणा होगा रै।।
4
पूरे हरियाणा मैं कामरेड पृथ्वी युवा के मन पै छाग्या था
इंकलाब जिंदाबाद का नारा पूरे हरियाणा मैं गूंजाग्या था
म्हारे तैं संघर्ष सिखाया रणबीर जीवन मैं पिरोणा होगा रै।।