किसान मजदूरों की होवैगी हिसार मैं या रैली बताई
तीन अक्टूबर नै देश के किसानों की बैठक बुलाई।।
1
बणा नीति किसान विरोधी किसानी जमा बणा दी बोड़ी
मजदूरों पै संकट छाग्या म्हारी महंगाई नै कड़ तोड़ी
बिना लड़ाई पार ना जावै चालो सरतो और भरपाई।।
2
लागत फालतू खेती मैं आवत उसतैं कम होरी या
रोज कर्जा बढ़ता जावै सरकार असल राही खोरी या
सब्सिडी पै नजर गाडरी सरकार हुई सै हड़खाई।।
3
बिना लड़ाई सुणल्यो भाईयो पार म्हारी जाणी ना
शासक तंत्र दुश्मन म्हारा इंका काट्या मांगै पाणी ना
किसान मजदूर की देखो आड़े होसै खाल तराई।।
4
मजदूर किसान मिलकै जन क्रांति इब ल्यावैंगे
किसान मजदूर की एकता इसनै मिलकै बचावैंगे
कहै रणबीर चालो रैली मैं जै चाहो सो ज्यान बचाई।।
तीन अक्टूबर नै देश के किसानों की बैठक बुलाई।।
1
बणा नीति किसान विरोधी किसानी जमा बणा दी बोड़ी
मजदूरों पै संकट छाग्या म्हारी महंगाई नै कड़ तोड़ी
बिना लड़ाई पार ना जावै चालो सरतो और भरपाई।।
2
लागत फालतू खेती मैं आवत उसतैं कम होरी या
रोज कर्जा बढ़ता जावै सरकार असल राही खोरी या
सब्सिडी पै नजर गाडरी सरकार हुई सै हड़खाई।।
3
बिना लड़ाई सुणल्यो भाईयो पार म्हारी जाणी ना
शासक तंत्र दुश्मन म्हारा इंका काट्या मांगै पाणी ना
किसान मजदूर की देखो आड़े होसै खाल तराई।।
4
मजदूर किसान मिलकै जन क्रांति इब ल्यावैंगे
किसान मजदूर की एकता इसनै मिलकै बचावैंगे
कहै रणबीर चालो रैली मैं जै चाहो सो ज्यान बचाई।।
