Cultural Heritage of India

Cultural Heritage of India --A folk song of its kind
सुणले करकै ख्याल दखे , ये गुजरे लाखां साल दखे
सिंधु घाटी का कमाल दखे ,यो कड़ै गया लोथाल दखे
करकै नै पड़ताल दखे , खोल कै भेद बतादे कोये ||
1
सुसुरता नै देश का नाम करया , बाग़ भट्ट नै चौखा काम करया
ब्रह्म गुप्त नै हिसाब पढ़ाया ,आर्यभट्ट नै जीरो सिखाया
नालंदा नै रह दिखाया , तक्षिला गैल  कदम बढ़ाया
तहलका चारों और मचाया , ये गई कड़ै समझादे कोये ||
2
मलमल म्हारी का जोड़ ना था , ताज कारीगिरी का तोड़ ना था
हमनै सबको सम्मान दिया , सह सबका अपमान लिया
ग्रीक रोमन नै योगदान दिया , भगवान का गुणगान किया
इसनै म्हारा के हाल किया या सही तस्वीर दिखादे कोये ||
3
दो सो साल अंग्रेज राजा देश के , ये गोरे  बोगे बीज क्लेश के
फिरंगी का  न्यों कब्ज़ा  हुया , चिड़िया का बैरी बाज हुया
म्हारा ख़त्म सुर और साज हुया उनके सर ऊपर ताज हुया
क्यों घणा  कसूता काज हुया ,थोड़ा सा हिसाब लगादे कोये ||
4
लाहौर मेरठ जमा पीछे नहीं रहे ,वीर बहादुरों नै घणे जुल्म सहे
फिरंगी देश से चल्या गया, यो  कारीगर फेर बी मल्या गया
यो धर्म जात पै छल्या गया , संविधान म्हारा यो दल्या गया
क्यों इसा जाल बुण्या गया , रणबीर सिंह पै लिखवादे कोये