कामरेड ओम प्रकाश के चर्चे पूरी भिवानी मैं होए रै ।।
भाईचारे के कामरेड नै बीज जन जन के मैं बोए रै ।।
1
जात धर्म तैं ऊपर उठकै मानवता की आवाज लगाई
मांग गली शहर गाम की कामरेड नै ये हमेश उठाई
गरीब तबके के हकां खातर झगड़े हमेशा झोए रै ।।
2
जीएसटी के खिलाफ जमकै नै मोर्चा लगाया रै
एमएसपी के कानूनों का जमकै विरोध जताया रै
भाजपा नै फतूर मचाया जनतंत्र के तरीके खोए रै ।।
3
भिवानी के जन जन की रोजाना इसनै लड़ी लड़ाई
संघर्ष करकै कदम बढ़ाए मांग बहोत सी मनवाई
भाजपाईयां नै ताने मारे इनके खूबै बोरे ढोए रै ।।
एमएलए बनकै जनकी विधान सभा मैं मांग ठावैगा
कामरेड नै जितने वायदे करे पूरे सरकार से करावैगा
जितावांगे कामरेड नै रणबीर सिंह नै छंद पिरोए रै ।।
******/चलो वोट डाल कै आवांगी कामरेड जिताना हे ।।
दांती हथौड़े और सितारे पै हमनै बटन दबाना हे।।
1
जल्दी करलयो पीणा खाणा
इस जिसा ना मौका थ्याणा
फेर हमनै ना पड़ै पछताणा
कामरेड हमनै जरूर जिताणा, यो पूरा हाँगा लाणा हे।।
दांती हथौड़े और सितारे पै हमनै बटन दबाना हे।।
2
भाजपा नाट गई या हाँ भरकै
धरने जलूसों से इणनै डरकै
मंत्री भकाजया कदे आ करकै
फ़ाइल फेर जमा नहीं सरकै, रोज का ही फरमाणा हे।।
दांती हथौड़े और सितारे पै हमनै बटन दबाना हे।।
3
बुलंद करैगा उड़ै म्हारे नारे
भ्रष्टाचार नै घाले सैं घारे
घणे दुखी मजदूर कर्मी सारे
ठेकेदारी प्रथा सारे कै ल्यारे, मिलकै पाठ पढ़ाणा हे।।
दांती हथौड़े और सितारे पै हमनै बटन दबाना हे।।
4
जिताएं बिना नहीं सै गुजारा
जल्दी चालां हजारों हजारां
कामरेड का बटन दबै हमारा
रणबीर लिखता साथी म्हारा, ना पाछै कदम हटाणा हे।।
दांती हथौड़े और सितारे पै हमनै बटन दबाना हे।।
No comments:
Post a Comment