पगड़ी सम्भाल का दिन आज देश मैं मनाया जावै।।*

 *पगड़ी सम्भाल का दिन आज देश मैं मनाया जावै।।*

*अजीत सिंह किशन सिंह थारी याद बहोत घणी आवै।।*

1

एंग्लो सिख युद्ध मैं भाग लिया परदादा फते सिंह नै 

आधी जायदाद जब्त करी गोरयां नै म्हारे हिन्द मैं

*दादा अर्जुन सिंह उन बख्तों का  समाज सुधारक कहावै।।*

अजीत सिंह किशन सिंह थारी याद बहोत घणी आवै।।

2

किशन सिंह पिता चाचा अजीत लड़ी आजादी की लड़ाई

चाचा स्वर्ण सिंह साथ मैं इंकलाब जिंदाबाद गूंजाई

*अंग्रेज गोरा इनकै ऊपर सारे तरां के यो जुल्म ढ़ावै।।*

अजीत सिंह किशन सिंह थारी याद बहोत घणी आवै।।

3

घर की महिलावां नै भी इनका धुर ताहिं साथ निभाया

दादी जयकौर मां विद्यावती कदम तैं था कदम मिलाया

*चाची हरनाम कौर हुक्म कौर भी सारै आगै खड़ी पावै।।*

अजीत सिंह किशन सिंह थारी याद बहोत घणी आवै।।

4

अंग्रेजों के जुल्मों के खिलाफ लाया पगड़ी सम्भाल का नारा

बालक भगत सिंह नै आंख्या देख्या था यो सारा नजारा

*रणबीर यो किसान आंदोलन पगड़ी सम्भाल याद दिलावै।।*

अजीत सिंह किशन सिंह थारी याद बहोत घणी आवै।।