साथ देउन्गी बालक का अपनी जान की बाजी लाकै
यो कुनबा पाछे लागरया कहवै जाँच करवाले जाकै
पहले गर्भ ऊपर या घनी कसूती नजर जमाई
कहते छोरा चाहिए चाहे करवानी पडे सफाई
घरक्याँ नै घनी धमकई लगा पाता जाँच कराकै
देवर जेठ मेरे नयों कहते हमनै बेटा चाहिए
जाँच कराले छोरी हो तै तुरत सफाई कराईये
सीधी तरा मान जाईये के काढेगी सर फुडवाकै
एक तरफ तो गर्भ पी यो परिवार प्यार दिखावै
दूजी तरफ जाँच कराके बस छोरा पाया चाहवै
हरेक मने समझावै बात मान ले सर झुकाकै
दोगले समाज का चेहरा आछी ढाला साहमी आया
जमा नहीं जाँच करवाऊं मने बी मन समझाया
रणबीर साथ मैं पाया जब देख्या नजर उठाकै
No comments:
Post a Comment