जंतर मंतर के ऊपर धरणे पर बैठे देखो खिलाड़ी
प्रैस के स्याहमी उणनै सांसद की करतूत उघाड़ी
1
सांसद बृज भूषण नै करी काली करतूत बताई
एफ आई आर दर्ज हो मिलकै नै आवाज उठाई
सरकार नहीं करी सुनाई इनै बंद करली किवाड़ी
2
सहज सहज कुश्ती अखाड़ा मजबूत होता आवै
जनता का साथ उनका सरकार कै सांस चढ़ावै
विनेश रो रो कै बतावै यो सांसद पाया सै कबाड़ी
3
ढाल ढाल तैं शोषण करया सांसद अत्याचारी नै
बहोत घणी दुखी करी ये इस माणस बदकारी नै
इसके ढांचे सरकारी नै हालात और घणी बिगाड़ी
4
बहोत नेता और संगठन हिम्मात मैं इनकी आये
हम पहलवानों की साथ कैहकै नै हौंसले बढ़ाये
रणबीर भी कलम घिसाये सुनकै इनकी चिंघाड़ी
No comments:
Post a Comment