तीजां का त्यौहार
लाल चूंदड़ी दामन काला ,झूला झूलन चाल पड़ी।
कूद मारकै चढ़ी पींग पै ,देखें सहेली साथ खड़ी ।
झोटा लेकै पींघ बधाई , हवा मैं लाल चूंदड़ी लहराई
ऊपर जाकै तले नै आई , उठें दामण की झाल बड़ी।
पींघ दूगनी बढ़ती आवै, घूंघट हवा मैं उड़ता जावै
झोटे की हींग बढ़ावै ,बाजैं पायां की ये छैल कड़ी ।
मुश्किल तैँ आयी तीज, फुहारां मैं गयी चूंदड़ी भीज
नयी उमंग के बोगी बीज, सुख की देखि आज घड़ी।
रणबीर पिया की आई याद , झूलन मैं नहीं आया स्वाद
नहीं किसे नै सुनी फ़रियाद आंसूआं की या लगी झड़ी।
अपना घर नै हरयाणा चारों कूट बदनाम किया ||
सी एम सिटी के भीतर घणा घटिया काम किया ||
1
शराफत का लबादा ओढ़ कै कितना ग़दर मचाया
बच्चों की मजबूरी का फायदा अपना घर नै उठाया
शर्म मैं नाड़ तले नै होगी कई का जीणा हराम किया ||
2
बड़े बड़े अफसरों तक मैडम का आना जाना बताया
कुछ शामिल किये खेल मैं कुच्छ को हमराज बनाया
परत उघडती जावैं सें रिकार्ड तलब तमाम किया ||
3
सफ़ेद पोश बण कै काला धंधा कई करते बताये ये
ले दे कै रफा दफा करावें जमा नहीं काबू मैं आये ये
मूल भूत बदल चाहिए अदल बदल देख तमाम लिया||
4
हरेक नागरिक आगे आवै बिना इसके ना बात बनै
गुण दोष पै तोल करकै छाज महँ कै सबका नाज छनै
साहमी ल्याना होगा सारा जो भी आज गुमनाम किया ||
5
दोषी जितने सब नै मिलै सजा रखना होगा ध्यान दखे
भ्रष्ट अफसर पुलिस अर नेता साथ देवे भगवान दखे
रणबीर नै छंद बनाया सबको आज यो पैगाम दिया ||
कुछ समय पहले की हालत बयान की है। हो सकता है
अब कुछ नर्स , डॉक्टर और मशीन आ गए हों। हालात
खराब ही चल रहे हैं सरकार की नीतियों के चलते ।
क्या बताया भला---
पीजीआई एमएस की सुनियो कथा सुनाऊँ देखो।।
लाम्बी तै लाम्बी लाइन उड़ै ओपीडी मैं दिखाऊँ देखो।।
1
सर्जरी विभाग की हालत सुनकै झटके खाये रै
सीनियर रेजिडेंट बीस चाहियें पर पांच बताये रै
ये तीन काम करते बीस का नहीं झूठ भकाऊँ देखो।।
लाम्बी तै लाम्बी लाइन उड़ै -------------
2
सात सौ स्टाफ नर्स आज मैडीकल मैं करती काम
नर्स काम नहीं करती मरीज रोज लगावैं इल्जाम
तीन हजार नर्स चाहियें राज की बात बताऊँ देखो।।
लाम्बी तै लाम्बी लाइन उड़ै----
3
बेहोशी विभाग मैं यो टोटा मशीनों का चलता आवै
कम होगी टेबल सर्जन की मरीज लाम्बी डेट पावै
ऑर्डर कर राखे सैं नयूं सालां तैं सुणता आऊं देखो।।
लाम्बी तै लाम्बी लाइन----
4
एक दिन मैं डॉक्टर आड़े डेढ़ सौ मरीज झेलता रै
दूजे देश का डॉक्टर उड़ै पन्दरा मरीज देखता रै
डॉक्टर मरीज भिड़ें आड़े कितनी भिड़ंत गिनाऊँ मैं।।
लाम्बी तै लाम्बी लाइन --------
5
मुख्यमंत्री मुफ्त इलाज योजना बेरा ना कित पड़ी सै
इसके लागू करने मैं चीज कुणसी या आण अड़ी सै
डिमांड सप्लाई का गैप यो किसकै जिम्मे लगाऊँ देखो।।
लाम्बी तैं लाम्बी लाइन---------
6
राष्ट्रीय बीमा योजना क्यों बन्द करदी पीजीआई मैं
पेशेंट वेलफेयर कमेटी क्यों ढीली होरी कार्यवाही मैं
गरीब का ना और ठिकाना दिल की बात सुनाऊँ देखो।।
लाम्बी तैं लाम्बी लाइन ---------
घर के अंदर और बाहर
किसान उठ लिए
राजस्थान और महाराष्ट्र का किसान उठ लिया बताया।।कट्ठे होल्यां
उन्नीस सौ सात
*उन्नीस सौ सात आंदोलन बारे जब हम किताब ठावैं रै।।*
*यो किसानों का इतिहासी बड्डा जंग कसूता बतावैं रै।।*
1
लाला जी और अजित सिंह इस आंदोलन के अगाड़ी थे
पगड़ी सम्भाल आंदोलन के वे घणे तगड़े खिलाड़ी थे
*पढ़कै पगड़ी सम्भाल जट्टा बांके दयाल कवि सुनावैं रै।।*
यो किसानों का इतिहासी बड्डा जंग कसूता बतावैं रै।।
2
गीत नै अभिमान किसानों का उन बख्तों मैं ललकार दिया
इस कविता के भाव को किसानों नै कर अंगीकार लिया
*गोरे दबावण की खातर किसानों ऊपर घणे जुल्म ढावैं रै।।*
यो किसानों का इतिहासी बड्डा जंग कसूता बतावैं रै।।
3
गोरी सरकार कृषि कानून उन्नीस सौ सात के मैं ल्याई थी
चुपके चुपके पास करया नहीं चर्चा किसे तैं चलाई थी
*नहर कालोनियां मैं रहवनियाँ के वे हक खोसे चाहवैं रै।।*
यो किसानों का इतिहासी बड्डा जंग कसूता बतावैं रै।।
4
बे उल्लादे जमींदार के मरे पाछै जमीन खोसी चाही थी
जिला अफसर मालिक होगा या काली कानून बनाई थी
*लायलपुर मैं होकै कट्ठे ये हजारों किसान विरोध जतावैं रै।।*
यो किसानों का इतिहासी बड्डा जंग कसूता बतावैं रै।।
5
अजित सिंह लाला जी नै किसानों साथ मिलकै विरोध जताए
अनदेखी करी गोरयां नै और घणे उनपै जुल्म थे ढाये
*दोनूं मांडले जेल भेज दिए गोरे आंदोलन दबाया चाहवैं रै।।*
यो किसानों का इतिहासी बड्डा जंग कसूता बतावैं रै।।
6
पूरा पंजाब कट्ठा होकै नै विरोध जतावण के ऊपर भिड़ग्या
बढ़ता गया विरोध गोरयां का कानून खारिज करणा पड़ग्या
*ऐतिहासिक हुया वो आंदोलन जब हम हिसाब लगावैं रै ।।*
यो किसानों का इतिहासी बड्डा जंग कसूता बतावैं रै।।
7
गदर लहर बब्बर अकाली इणनै ये विचार आगै बढ़ाये थे
भगत सिंह हर बरगे क्रांतिकारी आजादी जंग मैं छाये थे
*उन्नीस सौ सैंतालीस मैं गोरयां तैं आजादी भारतवासी पावैं रै।।*
यो किसानों का इतिहासी बड्डा जंग कसूता बतावैं रै।।
8
रणबीर फेर दी गूंज सुनाई पगड़ी सम्भाल सरोकारों की
काले कानून ल्याई सरकार नहीं पूछ म्हारे विचारों की
*पगड़ी सम्भाल स्वाभिमान पै ये गायक गीत सुनावैं रै।।*
यो किसानों का इतिहासी बड्डा जंग कसूता बतावैं रै।।
पगड़ी सम्भाल
*पगड़ी सम्भाल का दिन आज देश मैं मनाया जावै।।**5 जून सम्पूर्ण क्रांति दिवस*
पांच जून नै काले कानून ऑर्डिनेंस पास करया रै।।जो आया दुनियां के म्हां उनै पड़ै लाजमी जाणा हो।
सुरग नरक किसनै देख्या बस होसै फरज पुगाणा हो।।साथी वीरेंदर शर्मा
सन 1992 में साक्षरता आंदोलन के दौर में साथी ने कार में आग लगने पर अपनी जान जोखिम में डाल कर कर की सवारियों को तो बचा लिया मगर सड़क पर फैले पैट्रोल की आग में बुरी तरह झुलस गया और दो तीन दिन तक मौत से संघर्ष किया।
ज्यान की परवाह की ना कूदया पीड़ा देख परायी रै।।
जवानी खपादी वीरेंद्र नै समझ दूज्यां की भलाई रै।।
1
उसतै बढ़िया दीखै कोण्या भाई अकल इंसान की
म्हारे ताहिं राह दिखाई सै उसनै असल इंसान की
भुलाये तैं भी ना भूली जा भाई शक्ल इंसान की
म्हारे ताहिं तस्वीर बनाई उसनै अटल इंसान की
न्यों कहैया करै था साथी मिलकै लडांगे लड़ाई रै।।
2
लोगों के मोल उसनै रोज घटते बढ़ते देखे भाई
बदमाशों की चांदी आड़ै शरीफ लोग पिटते देखे
लोगों मैं बढ़ी बेरोजगारी सही राह तैं हटते देखे
शहीद भगत सिंह से वीर आजादी पै मिटते देखे
भगत सिंह की राही चल्या वीरेंद्र वीर सिपाही रै।।
3
ज्ञान विज्ञान समिति मैं थी साथी की कताई हुई
एक एक बात कै उप्पर थी समिति मैं सफाई हुई
समाज कैसे चलता म्हारा बैठकै पूरी धुनाई हुई
गया समझाया हमेशा गरीब की क्यूँ पिटाई हुई
शहीद वीरेंद्र समझ गया अनपढ़ता की खाई रै।।
4
साथी तेरे सपनों को हम मंजिल तक ले जायेंगे
सच कहना अगर बगावत हम गीत यही गायेंगे
आज नहीं तो कल साथी पूरी दुनिया पर छायेंगे
मानव का बैरी मानव हो ना ऐसा जमाना लायेंगे
रणबीर ईबे रंग अधूरा बनाई तसबीर जो भाई रै ।।
' xlink:href='%23b'/%3e%3cuse fill='black' filter='url(%23c)' xlink:href='%23b'/%3e%3cpath fill='white' d='M12.162 7.338c.176.123.338.245.338.674 0 .43-.229.604-.474.725a.73.73 0 01.089.546c-.077.344-.392.611-.672.69.121.194.159.385.015.62-.185.295-.346.407-1.058.407H7.5c-.988 0-1.5-.546-1.5-1V7.665c0-1.23 1.467-2.275 1.467-3.13L7.361 3.47c-.005-.065.008-.224.058-.27.08-.079.301-.2.635-.2.218 0 .363.041.534.123.581.277.732.978.732 1.542 0 .271-.414 1.083-.47 1.364 0 0 .867-.192 1.879-.199 1.061-.006 1.749.19 1.749.842 0 .261-.219.523-.316.666zM3.6 7h.8a.6.6 0 01.6.6v3.8a.6.6 0 01-.6.6h-.8a.6.6 0 01-.6-.6V7.6a.6.6 0 01.6-.6z'/%3e%3c/g%3e%3c/svg%3e){kind=small}