पीजीएएम के हालात

 कुछ समय पहले की हालत बयान की है। हो सकता है 

अब कुछ नर्स , डॉक्टर और मशीन आ गए हों। हालात 

खराब ही चल रहे हैं सरकार की नीतियों के चलते । 

क्या बताया भला---

पीजीआई एमएस की सुनियो कथा सुनाऊँ देखो।।

लाम्बी तै लाम्बी लाइन उड़ै ओपीडी मैं दिखाऊँ देखो।।

1

सर्जरी विभाग की हालत सुनकै झटके खाये रै

सीनियर रेजिडेंट बीस चाहियें पर पांच  बताये रै

ये तीन काम करते बीस का नहीं झूठ भकाऊँ देखो।।

लाम्बी तै लाम्बी लाइन उड़ै -------------

2

सात सौ स्टाफ नर्स आज मैडीकल मैं करती काम

नर्स काम नहीं करती मरीज रोज लगावैं इल्जाम

तीन हजार नर्स चाहियें राज की बात बताऊँ देखो।।

लाम्बी तै लाम्बी लाइन उड़ै----

3

बेहोशी विभाग मैं यो टोटा मशीनों का चलता आवै

कम होगी टेबल सर्जन की मरीज लाम्बी डेट पावै

ऑर्डर कर राखे सैं नयूं सालां तैं सुणता आऊं देखो।।

लाम्बी तै लाम्बी लाइन----

4

एक दिन मैं डॉक्टर आड़े डेढ़ सौ मरीज झेलता रै

दूजे देश का डॉक्टर उड़ै पन्दरा मरीज देखता रै

डॉक्टर मरीज भिड़ें आड़े कितनी भिड़ंत गिनाऊँ मैं।।

लाम्बी तै लाम्बी लाइन --------

5

मुख्यमंत्री मुफ्त इलाज योजना बेरा ना कित पड़ी सै

इसके लागू करने मैं चीज कुणसी या आण अड़ी सै

डिमांड सप्लाई का गैप यो किसकै जिम्मे लगाऊँ देखो।।

लाम्बी तैं लाम्बी लाइन---------

6

राष्ट्रीय बीमा योजना क्यों बन्द करदी पीजीआई मैं

पेशेंट वेलफेयर कमेटी क्यों ढीली होरी कार्यवाही मैं

गरीब का ना और ठिकाना दिल की बात सुनाऊँ देखो।।

लाम्बी तैं लाम्बी लाइन ---------