हरियाणा के समाज मैं

हरियाणा के समाज मैं 
किसानां की मर आगी हरियाणा के समाज मैं ॥ 
धरती जरूरी जागी हरियाणा के समाज मैं ॥ 
रैहवण नै मकान कड़ै खावण नै नाज नहीं 
पीवण नै पाणी कड़ै  बीमारी का इलाज नहीं 
महँगाई जमा खागी हरियाणा के समाज मैं ॥ 
कपास पीटी धान पीट दिया गेहूं की बारी सै 
सल्फास की गोली खा मरां हुई या लाचारी सै 
या किसानी दुःख पागी हरियाणा के समाज मैं ॥ 
बदेशी कंपनी कब्ज़ा करगी ये हिन्दुस्तान मैं 
लाल कालीन बिछाए किसनै इनकी शान मैं 
इतनी घनी क्यों भागी हरियाणा के समाज मैं ॥ 
खेती म्हारी बर्बाद होगी उनकी आँख मींचगी 
नाड़  म्हारी पाई तलवार उनकी क्यों खींचगी 
रणबीर की छंद छागी हरियाणा के समाज मैं ॥