सोचो किमै तो

सोचो किमै तो
हाथ पै हाथ धरकै बैठे पानी सिर पर कै जा लिया
कोए सुरक्षित नहीं आड़ै दुनिया का औड़ आ लिया
कातिल की माइंड सैट कन्या भ्रूण हत्या मैं दीखैं
जिसे करें बड़े बडेरे वेहे ये बालक करना सीखें
लंपनाइजेशन समाज के मैं पूरी तरियां छा लिया।
माड़ी माड़ी सी बातों पै रिवाल्वर काढ़ खड़े होज्यां
गोली चलाते वार ना लावैं छोटे करक बड़े होज्यां
राजनीती का क्रिमिनेलाइजेशन यो समाज खा लिया ।
गैंग रेपों की बाढ़ आगी पूरा हरियाणा काँप रहया
आगै के के बनैगी सारी हरेक मानस भांप रहया
जातां मैं बाँटी जनता जात नेता नै फायदा ठा लिया।
शादी की उम्र घटाना चाहते कितनी बोली बात करैं
गैंग रेप उम्र का रिश्ता बता कितनी होली बात करैं
करकै जतन रणबीर सिंह नै यो छंद बना लिया ।
13. 10. 2015