जनता बी खूब बिगाड़ दई

जनता बी खूब बिगाड़ दई

नेता की नीयत माड़ी जनता बी खूब बिगाड़ दई
पीकै  दारू लेकै पीस्से जीवन की राह लिकाड लई
जनता का बी बेरा  ना दन साच्चेी बात नै समझै रै
बेर सै कौण नाश करणिया पांच दो सात नै समझे रै
विकल्प की बात ना सोचै झूठ गेल्याँ कज जुगाड़ लई।
जिस डाहले पै बैठी जनता उसे नै काट रही सै
 लाल झण्डा  सही हिम्माती वोट तैं नाट रही सै
लूट कई बी ना समझै बंद कर दिमागी किवाड़ लई ।
साहूकारां की चाल लुभाले  लाल झण्डा भूल जावै या
छियासठ साल हो लिए सैं पूंजी चौपड़ सार बिछावै या
भ्र्ष्टाचारी व्यवस्था नै जनता तै ठवा कबाड़ दई ।
लाल झंडे आले बी इसकी श्यान समझा ना पाये रै
यूनियन मैं इंकलाब जिंदाबाद ये नारे गुंजाये रै
रणबीर सिंह दुखी घणा सै कलम  आज चिंघाड़ दई ।